برنامج العروسة

اتمنى لكم كل التوفيق في حياتكم الجديدة
برنامج العروسة
طبعا في نصائح بسيطة مهمه جدا
اولا واهم شيء الاستعانة والتوكل على الله
واخلاص النيه لتكوني اجمل امام زوجك
و سم الله قبل كل خطوة
1- المفروض متجربيش اي حاجه جديده قبل فرحك بتلات شهور
2- اعملي جدول لنفسك فيه حل لكل مشاكلك وامشي عليه
3- هاتي كل الحاجات اللي ناقصاكي في يوم واحد اول ما تحددي البرنامج
4- كوني حريصة على التنفيذ بدون اي تكاسل
5 - حللي نسبة الهيموجلوبين في الدم للتاكد من عدم وجود انيميا
6- شرب 8 اكواب ماء يوميا
7- الاهتمام بغسل الاسنان بعد كل وجبة
8- الاهتمام بترطيب اليدين والقدمين خمس مرات يوميا يعني بعد كل وضوء
9- ترطيب القدمين مساءا ب CARBAMIDE كريم من الصيدليه ب 3 جنيه ولبس شراب قطن
مع سنفرة خفيفة الصبح بحجر ناعم
الوجه
اصحاب البشرة الحساسه ارجو الحرص وتجربة اي ماسك لفترة بسيطة عشر دقائق فقط
ولما نطمن له نزود المده
اما اصحاب حب الشباب
البرنامج شديد على بشرتهم جدا
واكيد ليهم نظام للعناية بالحبوب خاص جدا
الخطوة الاولى
قبل كل شيء لازم نعمل تنظيف عميق للوجه لازالة الجلد الميت
وبالتالي نستفيد من فائدة الماسكات
ازاي ؟؟؟
من اهم اسباب الحفاظ على البشرة التنظيف الجيد
التنظيف العميق للبشرة لازالة الجلد الميت
- ازالة الميكب جيدا : احلى منظف للوجه وازالة الميكب وازالة الماسكارا والايلينر المقاوم للماء
يعني مش خطر على العين
هو مش غسول هو لوشن يستخدم مباشرة على الوجه ويمسح بقطنه
منظف جونسون وده صورته بحوالي 18 جنيه في السوبر ماركت وفي الصيدليات 20 جنيه

2- وضع مقدار من بودرة السدر في كف اليد وماء دافيء ونغسل الوجه جيدا
ده صورته على هيئة ورق علشان لما تشتروه من العطار
سعر الكيلو 40 جنيه هاتي نصف او ربع بس

ويتم طحنه وده صورته مطحون

3- مسح الوجه بقطنه مبلله باللبن بطريقة دائريه من اسفل لاعلى باتجاه الجبهة

4- فوطة مبلله بماء دافيء تغمس في بيكربونات الصوديوم ويمسح بها الوجه ويدلك برفق ويشطف بماء فاتر

5- نضع كميه مناسبة من الزبادي حتى لو منتهي الصلاحيه على الوجه وللرؤوس السوداء نضع فازلين على اماكن تواجدها وليس زبادي واثناء ذلك

6- نبدا بتسخين الماء في حله متوسطه وعند الغليان يضاف اليه النعناع او البقدونس او الاتنين و نضع فوطه على راسنا ونستمتع بالبخار عشر دقائق

7- يمسح الوجه من الزبادي بفوطة او اسفنجه او قطنه ( لا يشطف )

8- يدلك الوجه بالسكر برفق ولمدة 3 دقائق لكن برفق
للرؤوس السوداء يستعمل فتله لازالتها راح جاي بالفتله وممكن التعصير بقطنه

9- تزال اثار السكر ويوضع ماسك الترمس المطحون والخميرة ( يفضل من الفرن ) وقليل من اللبن للبشرة الجافه والعاديه او الماء الدافيء للبشرة الدهنيه والمختلطة يدلك 3 دقائق ويترك ليجف

10- يشطف جيدا بالماء الفاتر ويوضع ماسك العسل لمدة ربع ساعه او نصف ساعه

11- يشطف الوجه ويمسح بقطنه مبلله بماء الورد مضاف اليه قليل من الليمون

12- يمرر تلجه على الوجه لغلق المسام
وبكده هتلاقي بشرتك نقيه و نظيفه و منورة و مفيش قشور وتعاد الطريقه كل شهر او اكثر
الخطوة الثانية

اهتمي بتنظيف بشرتك يوميا مرتين في اليوم صباحا ومساءا
بالصابون او الغسول المناسب
الماء يكون فاتر لا بارد ولا ساخن
ثم التونر بقطنه يمسح الوجه بقطنة مبلله بالتونر او نمرر تلجه وننشف كويس
وكريم مرطب مناسب لنوع بشرتك ويفضل ان يكون كريم نهار
ونفس الطريقه قبل النوم لكن كريم ليل او اي كريم مرطب
الخطوة التالتة
جدول العناية بالوجه
طالما عروسة لازم كل يوم ماسك
لكن بس بعد التنظيف مثل ما شرحنا طريقة التننظيف سابقا
ونحضر الماسك ده ( ماسك التفتيح العظيم )
بطاطسية مسلوقة بقشرها بعد غسلها كويس جدا طبعا +
قشر موزتين نضيفه بردو
+عصير نصف ليمونة او ليمونة حسب
حساسية البشرة + نصف كوب لبن
وضربهم في الخلاط ونحفظهم في زجاجه في التلاجه ليها غطاء محكم
الجدول

الخميس : ماسك التفتيح العظيم
يدلك به الوجه لمدة 3 دقائق ويترك حتى يجف حوالي نصف ساعه
اما اصحاب البشرة الحساسه ربع ساعه فقط لا غير
ثم يشطف بماء فاتر
ونمرر تلجه وننشف الوجه جيدا
وترطيب بكريم خفيف
الجمعة : ماسك التفتيح العظيم
مثلا صباحا
ومساءا
ماسك بذرة قطونة (رااااائع)
ملعقة صغيرة مملوءة بذرة قطونة + ماء مغلي حوالي اتنين ملعقة
كبيرة
ويقلب كل شوية ولما يبرد هنلاقيه لزج كده عندك اختيارين
تستخدميه كده بحبوبه او تصفيه وتاخدي السائل اللزج
هتصفيه بشاشه او شراب فيليه او قماش خفيف اوي
وتفرديه على الوجه والرقبه ساعه او ساعتين حسب وقتك مع استرخاء تام تام
مهم جدا الاسترخاء لانه بيشد الجلد فلازم يكون الجلد مسترخي
وبعدين تشطفي وجهك بماء فاتر وتمرري تلجه وتنشفي وجهك كويس
وترطيب خفيف
السبت : ماسك التفتيح العظيم
صباحا
ومساءا
ماسك الزبادي
زبادي بلدي حتى لو منتهي الصلاحيه
ويفرد على الوجه مع التدليك 3 دقائق

ويترك نصف ساعه ويشطف بماء فاتر
ونمرر تلجة
وترطيب خفيف

الاحد : ماسك الترمس المطحون والخميرة
ملعقة ترمس مطحون صغيرة مليانه + ملعقة صغيرة خميرة جافه
او طرية مذابة في قليل من الماء الدافئ
وتخلط مع الترمس المطحون
وتفرد على الوجه حتى تجف حوالي نصف ساعه

وتبلل اليد بالماء ونبدا في ازالته بالتدليك برفق
وده تعتبر سنفرة خفيفه
ويشطف جيدا بالماء الفاتر

ونمرر تلجه وننشف الوجه جيدا وترطيب خفيف

ومساءا كبسولة فيتامين E تدلك بها البشرة بعد حمام بخار خفيف
جدا

الاتنين :ماسك التفتيح العظيم صباحا
ومساءا ماسك بذرة قطونة
الثلاثاء : ماسك التفتيح العظيم
الاربعاء : ماسك التفتيح العظيم
ومساءا كبسولة فيتامينE بعد حمام بخار خفيف جدا
وطبعا قبل الفرح بيوم نعمل النيتوياج تاني
وان شاء الله تبقي قمر 14
الجسم
يوميا شاور تحت الدش ربع ساعه او في البانيو وتكوني حاطة
مغلي اعشاب الكاموميل في البانيو
او في شراب فيليه تحت الدش لو مفيش بانيو
ونفرد ماسك التفتيح العظيم على الجسم كله

وعندما يجف نزيله بطريقة السنفرة كما فعلنا في الوجه
وطبعا ندعك جسمنا كويس بالليفة والصابون قبل وبعد الماسك
وناخد دش بارد سريع ولو 30 ثانيه فقط

ونجفف الجسم جيدا

ثم ترطيب للجسم كله بكريم جليسوليدGLYSOLID

واليوم التالي ناخد نفس الشاور لكن بدل ماسك التفتيح العظيم نعمل سنفرة بزيت الزيتون والملح
وبعدها نشطف الجسم بالماء البارد 30 ثانيه

والتجفيف جيدا
والترطيب جيدا

وهكذا يوم ويوم
وده برنامج ممتاز هيحل مشاكل كتير وطبعا هو مكثف
يعني ممكن نعمله لمدة اسبوع او عشرة ايام فقط
لكن لو معانا وقت هنعمله لمدة شهر
ولو معانا وقت اكتر هنعمل نفس النظام في الاول لمدة اسبوع
وبعد كده
للجسم
هنعمل بس الشاور والترطيب يوميا
وسنفرة زيت الزيتون مرة في الاسبوع
وماسك التفتيح العظيم مرتين في الاسبوع
والوجه

ماسك بذرة قطونة مرتين في الاسبوع
وماسك الترمس المطحون مرتين في الاسبوع
اخيرا الشعر
موضوع كبير مهما قلت مش هقدر اوفيه حقه
اول حاجه هي تسريح الشعر
لو مغسول
لازم ينشف تحت الفوطه ربع ساعه وبعدين تسرحيه من تحت لفوق بمشط واسع يعني تحت الاول وبعدين تطلعي شوية شويه علشان ميتقطعش
بلاش القسوة براحه عليخ ده شعرك
طبعا المشط الخشب ضروري جدا جدا جدا لو ناشف لكن لو مبلول ممكن جدا البلاستيك
لكن لو مش مغسول وده اللي قصدي عليه
تسرحيه من تحت لفوق لوملبك ولما يتسلك تسرحيه من فوق لتحت جزء جزء وبحنيه وحب براحه خالص لانك كده بتنقلي الزيوت المفيده جدا اللي بتفرزها فروة الراس لباقي شعرك وبتنشطي الدورة الدمويه في فروة الراس
وده يجعل نمو الشعر اسرع
التسريح يكون 100 مرة لكل جزء يعني حوالي خمس دقايق
تقصف الشعر
الاسباب علشان نتجنبها :
1- جفاف طارئ بساق الشعر أو أطراف الشعر نتيجة زيادة جفاف الجو أو ارتفاع درجة حرارته بنسبة كبيرة.
2- الانتقال من بيئة ذات جو عادي إلي جو حار.
3- غسل الشعر بنوع من الصابون القوي المزيل للدهون فيفقد الحد الأدنى من المواد الدهنية اللازمة لمرونته وقوة تحمله.
4- عدم العناية بشطف الشعر جيدا بالماء النقي بعد غسله بالصابون أو الشامبو.
5- ترك الشعر بدون غسيل مدد أكثر من اللازم فتتراكم الأتربة حول ساق الشعر فتسبب تقصفه.
6- كثرة غسل الشعر أكثر من المعدل الطبيعي مما يجعله يفقد المواد الدهنية والأملاح اللازمة لمرونته وحمايته .
7- تعريض الشعر لفترات طويلة تحت السيشوار حتى يصاب بالتيبس والجفاف.
8- سوء التغذية.
10- استخدام بنس الشعر
11- تجفيفه بالفوطه بعنف
12- تسريحه بعنف وشده
13- الصبغة والفرد والافراط في تجعيده
نيجي للمفيد
هتعرفي ازاي اذا كان ضناكي مقصف ولا لا؟؟؟؟
تمسكي شعرك من تحت لو لقيتي شعر مقسوم اتنين او اكتر يبقى مقصف
لو ملقتيش كده؟
امسكي شعرة واحده من جذورها لاطرافها وحسسي عيها بين صوابعك لو لقيتي فوق اتعم من تحت يبقى مقصف
99% مننا شعرهم هيطلع مقصف
نعمل ايه؟؟
اول حاجه نتجنب الاسباب
تاني حاجه المقص طبعا عند الكوافير او في البيت المهم فوق التقصيف ب 1 سم وتقصي
لازم لازم لازم
ليه؟؟
لان التقصيف بيزحف لاخر الشعرة وهيبوظها يعني هيبوظها يبقى لازم نقصه
علشان تحافظ على بقيته
الموضوع مش انه يطول بسرعه
لا يطول بصحه
مستنيه اشوف عملتو ايه؟؟؟؟؟
والنصيحه الخفيفه
غسل الشعر
طريقة غسل الشعر
1-يجب تمشيطه قبل الغسل لازاله الاقذار والجلد الميت العالق بالشعر وفروة الراس التمشيط من الجذور للاطراف لو سالك والعكس لو ملبك وبعدين من الجذور للاطراف لما يسلك
2- بللي الشعر جيدا ثم يوضع الشامبو على اليدين ويدك في اليدين ثم يوضع على فروة الراس مع التدليك الجيد وبرفق ثم يشطف ثم يجفف بالمنشفة بالضغط ثم يوضع حمام الكريم ويمشط بمشط واسع برفق ثم يشطف جيدا بماء دافيء ثم بارد لغلق المسام المفتوحة ثم ينشف بالفوطه بالضغط ويترك ليجف تحت الفوطه 10دقايق او ربع ساعه ثم يتم تسريحه برفق ويضع الكريم المرطب عند الحاجه
اذا كان شعرك يعاني من التساقط اعملي عصير الجرجير وضعيه عل شعرك بعد غسله وقبل حمام الكريم واتركيه عشر دقائق ثم اشطفيه
النصيحه التالته:
هتبدا ناخد فيتامينات
السلطه الخضرا

كل يوم طبق سلطه على الغدا متين

واللي ياكل في كل وجبه يبقى تمااااااااااام
احسن من بانتوجار وهيرتون
وكل الكبسولات
ده غير الفائده الصحيه للجسم كله
وبردو هناخد فيتامينات
طبعا الحامل في اول تلات شهور لا ممنوع
او المقبله على حمل بردو ممنوع
تكتفي بالسلطة بس تكتر
وممكن تاخد فوليك اسيد مفيد جدا للحوامل في الشهور الاولى
الفيتامينات
نتفق على بانتوجار وهنغيره بعد 3 اشهر تقريبا
الجرعه كبسوله صباحا وكبسوله المغرب او العشا
لان الفيتامينات لو اخدت قبل النوم
بتسبب ارق لبعض الناس
النصيحه الرابعه
هي حاجه متعبه شويتين
بس مهمه جدا جدا جدا جدا
مطلوب من كل واحده تحليل نسبة الهيموجلوبين في الدم؟؟؟
لان فقر الدم "(الانيميا") من اهم اسباب ضعف الشعر
النصيحه الخامسة
الكارثة الازليه
التساقط

تقريبا كلكم بتعانوا منه
ان شاء اله هنقضي عليه تماما
بس النصائح اللي فاتت مهمه جدا جدا جدا للقضاء على التساقط
اسباب تساقط الشعر
1- الحمل :تساقط الشعر لايكون اثناء الحمل يكون بعد الولاده بتلات شهور او شهرين
لكن السبب هو الحمل لان الشعر بيدخل مرحلة سكون نتيجة تغير الهرمونات والاهتمام بالغذاء والفيتامينات مهم جدا لتقليل الخسائر
2- التعرض للحمى او الانفلونزا او الالتهابات الجرثومية: نجد بعد فترة 6 اسابيع او تلاته شهور
حدوث تساقط بسبب هذه الامراض وبنكون مش مدركين ايه السبب
3- قلة البروتين في الطعام : واضحه طبعا
4- استخدام بعض الادوية مثل : مضادات التجلط ومضادات الاكتئاب و علاج النقرس والتهاب المفاصل وبعض ادوية امراض القلب وارتفاع ضغط الدم
5- اقراص منع الحمل : قد تكون سبب من اسباب تساقط الشعر
وبعض الحالات عند التوقف عن استخدام اقراص منع الحمل يحدث تساقط للشعر يزول بعد ست شهور كما يحدث بعد الولادة نفس الفكرة
6- انخفاض الحديد : واضحة طبعا
7- التعرض لعمليه جراحيه يحدث بعدها تساقط بشهرين او تلاته ويتوقف تلقائيا
8- تساقط وراثي: يظهر في فترةالمراهقه او العشرينات او التلاتينات وممكن يكون من ناحية الام او الاب
9- الفرد والصبغات
10- تصفيف الشعر بطريقه غير مناسبه :تسريحات يكون فيها الشعر مشدود ذيل الحصان او شد الضفيرة
طبعا معدل التساقط الطبيعي من 50 الى 100 شعرة في اليوم
علاج تساقط الشعر
طبعا اولا تجنب الاسباب
ثانيا الاهتمام بالتغذيه والفيتامينات والسلطه الخضرا
ثالثا معالجه الانيميا
رابعا العلاج الموضعي انا هرشحلكم طريقتين واحده طبيعيه والتانيه مستحضر من الصيدليه
استخدموا حاجه واحده منهم بس
وانا افضل مستحضر الصيدليه عن تجربة شخصيه لسهولة الاستعمال
الطريقه الطبيعيه الزعتر
يطحن تماما وتؤخذ ملعقه في كوب ماءساخن وتنقع 24 ساعه ثم تصفى وتستخدم
عند النوم في تدليك الشعر وتترك على الشعر وتغسل صباحا او لا اختياري وتكرر يوميا
والمنقوع يكون طازج
المستحضر الطبي
لوسيون دورين من لونا
موجود للشعر الجاف والدهني كل واحد على حسب نوع شعره
يستخدم في تدليك الشعر يوميا
مع اتباع الارشادات على العلبه ويفضل استخدام شامبو لونا بالبانثينول معاه اثناء فترة العلاج
فترة العلاج 8 اسابيع
على فكرة اللي عندهم قشره القشره هتروح ان شاء الله مع المستحضرات ده سواء الزعتر او دورين
السعر في متناول الجميع
العبوة الكبيرة ب 12 جنيه ممكن تستمر عشرة ايام او اسبوعين ومحدش يجيب الصغيرة لانها بتخلص بسرعه
والشامبو في نفس السعر تقريبا
طبعا المستحضرات كتييييييييييير
بس انا جربت ده والحمد لله كويس جدا جدا
وسعره كمان كويس جدا جدا
النصيحه السادسة
مساج شعرك ازاي تفرفشيه وتدلعيه
فوائد تدليل شعرك
1- ينشط فروة الراس وبالتالي يجلب الاكسجين والمواد الغذائية والهرمونات علشان ياخد كفايته منها
2- تنشيط الشعر بالذات الجديد اللي هيحل محل القديم وده هيحل مشاكل التساقط والقشرة كمان
3-الطريقه المثاليه الموضعيه لتغذية ضناكي هو التدليك بزيت دافي
4- يمنع اي تشققات او جفاف في فروة الراس جفاف فروة الاس او كثرة الدهون تؤدي الي القشرة والقشرة تؤدي الى التساقط
يعني مشاكل ضناكي مترابطة
5- دخول الدورة الدمويه الى فروة الراس لان شدة الاعصاب والاجهاد يمنع وصولها
وده بيؤدي الي عدم نمو الشعر بطريقه صحيه
6- يساعد على تغذية الجذور وتقوية جزع الشعر ونمو الشعر الجديد وتقوية القديم
7- يعطي الشعر ليونة ويجعله مطيع هادي سهل التسريح
8- نشر الزيت الطبيعي اللي بتفرزه الفروة وبالتالي لمعان الشعر
9- يحافظ عل الشعر من عوامل التلف الحرارة واشعة الشمس ويؤدي الى زيادة تكيفه ضد اي تغيير مفاجيء
10- يصلح مشاكا الشعر التالف والجاف ويساعد على وقف التقصيف
11- تقليل حرارة الجسم بشكل عام خاصة لو بعد اجهاد
12- استرخاء لعضلات الرقبه
الطريقه التمااااااااااااااااااااام للتدليك

الشعر الجاف توضع اطراف الاصابع في الزيت الدافي
مثلا زيت زيتون او زيت سمسم اي زيت خفيف لكن زيت خروع لا علشان تقيل
الشعر العادي يوضع اطراف الاصابع في ماء دافي وممكن زيت دافي بردو بس خفيف

الشعر الدهني كوب صغير ماء وعليها نصف ليمونه ودافيين بردو
والتدليك يكون بخفه جدا للشعر الدهني
اي حاجه من دول في الكلام بعد كده هقول الزيت لكن كل واحد عارف هيستخدم ايه تمام؟
كيفية عمل المساج
1- قبل عمل التدليك قومي بتمشيط الشعر جيدا وأثناء ذلك انحني بخصرك للأمام لمساعدة زيادة تدفق الدم للرأس مستخدمة المشط الخشب الواسع او فرشاه خشب نهايتها مكورة

2- اجعلي رأسك مثنيا لأسفل وقومي بجر أصابعك بسرعة وبشيء من القوة ابتداء من الجذور وحتى الأطراف.

3- ارفعي رأسك لأعلى ثم ضعي أصابعك على جانبي الرأس فوق الجبهة ثم قومي بتحريك الأصابع وليس الأظافر على فروة الرأس للوراء.
4- ضعي أصابعك على الرأس في آي موضع مع جعل اليد على هيئة (يد القطه) وقومي بفرك الرأس بأصابعك وكرري ذلك بعدة مواضع.
5- حركي أصابعك بحركه دائرية على( خط الشعر) من الخلف وحتى الكتفين لمساعدة استرخاء أي عضلات مجهدة أو متقلصة.

6-ضعي أصابعك على أعلى الجبهة ثم حركي يديك على فروة الرأس بسرعة بحيث تتحرك إحدى اليدين في اتجاه معاكس للأخرى.
7- أخيرا ضمي شعرك وارفعيه لأعلى في اتجاه أحد الجانبين مع إمساكه بكلتا اليدين ثم قومي بلم الشعر مع الشد لأعلى بخفه حتى تشعري بحدوث شد بفروة الرأس وكرري ذلك بجعل الشعر متجها للجانب الآخر
وينتهي المساج بهزهزة الراس من ناحية لأخرى.
التدليك للشعر الدهني غير مستحب يكون بقوة لانه بيساعد على افراز الدهون لكن نعمله بخفة
التدليك يكون مرتين في الاسبوع فقط لجميع انواع الشعر
وللشعر الدهني مرة واحدة اقصد الشعر الدهني يعني الفروة الدهنيه

النصيحة السابعه

الانيميا

من اعراض الانيميا الاحساس بالتعب والارهاق والخمول

شحوب الوجه وزي ما قلتلك الشفايف فاتحه والجفن السفلي من جوة العين فاتح

خفقان في القلب

سرعة التنفس خاصة بعد اي مجهود

واحيانا تنميل في الاطراف



اهم شيء لعلاج الانيميا الاكل قبل تناول اقراص الحديد

الاطعمه الغنيه بالحديد وحمض الفوليك

اللحوم والبيض والاسماك
كورن فلكس غنيه بالحديد
الخضروات الورقيه : الجرجير والسبانخ والخس والبقدونس
الفول السوداني وزبده الفول السوداني
المشمش والتين المجفف
الفول والعدس واللوبيا والبسله والفاصوليا

الاطعمه الغنيه بفيتامين C اللي بيساعد على امتصاص الحديد

الفراولة المانجو الكيوي
البرتقال اليوسفي الليمون
الطماطم الفلفل الخضر والاحمر


بعض المشروبات مهمه جدا للعلاج من الانيميا
1- عصير الطماطم محلى بالعسل على الريق
2- بلح منقوع من بالليل في لبن على الريق
السنة سبع تمرات
3- الينسون والنعناع قبل الغداء والعشاء
4- الحلبه وتاكلي الحصا بتاعها يااااااااااااااه على الاستفاده يااااااااااااااااااااه
طبعا كل واحد يثبت لنفسه حاجه منهم علشان متحيروش نفسكم
انا مش هلزمكم بحاجه منهم بس منتظرة ردودكم كل واحده تقولي هتعمل ايه بالضبط
نيجي للعلاج الدوائي
طبعا الانواع كتيييييييير جدا
انا هرشح نوع واللي بياخد غيره مفيش مشكلة خالص المهم الاستمراااااااااار
لكن :ممنوع للحامل في اول تلات شهور او المقبله على حمل
ممنوع لامراض الكبد وامراض الدم
بالنسبة ليكم انتم منقسمين لناس معندهاش انيميا خالص
دول يحرصوا على الاطعمه بس علشان الوقايه من الانيميا وعلشان يغذوا ضناهم
وناس عندها انيميا 11 او 12
وبيقولوا كده مش محتاجين علاج
لا محتاجين بالذات بعد البريود
وطبعا الاطعمه التركيز جدا فيها
وناس اقل من كده ودول بءى على جنب
لازم لازم كبسولات حديد الى جانب الاطعمه
الى جانب حبوب الخميره 60 قرص بسته جنيه قرصين بعد كل وجبه يعني 18 جنيه في الشهر
بس بتحسن الصحه والبشرة كمان بس اللي هيحس ان الميزانيه خرمت اهم حاجه الحديد
انواع كبسولات الحديد
1- اللي مش بيعانوا من الامساك خالص خالص : هيموتون : كبسولة يوميا 14 كبسولة تقريبا 11
2- اللي بيعانوا من الامساك احيانا
Iron SR: كبسولة واحده يوميا 20 كبسولة في حدود 14 جنيه



الحلقة الثامنه




المشاط




المشاط ليه سموه كده؟؟؟




لانه زمااااااااااااااااان كان بيتعجن بماء ساخن


وياخده منه بمشط واسع ويسرحوا شعرهم




وخصوصا للعرايس لان طبعا ريحته جميله




هي ريحته بالضبط قرتفل لانه من مكوناته




هو موجود عند حراز وليه سر تركيبه طبعا




يعني مجموعة اعشاب مفيده للشعر ومخلوطة مع بعضها



بمقادير معينه



ومطحونه مع بعض




فيكون شكله النهائي بودرة زيتي فاتح




شبه الحنه





وده صورته










طبعا ناس كتير راحت تدور عليه عند عطارين تانيين بس ادوهم حاجات غريبه جدا مش مشاط خالص فيا ريت متجازفوش وركزوا لازم يكن مطحون شبه الحنه بالضبط لانه اعشاب مختلفه منها:




القرتفل



المحلب



بردقوش



الاس



القطونة



وممكن حنا بسيط 100 جم للكيلو




هل بياثر على اللون اللي عاملين هايلايت؟؟؟؟؟




انا شعري عاملاه هاي لايت بس محسيتش انه اثر اوي



ممكن اثربس خفيف




طريقة استخدامه؟؟




الطرق كتيييييييييييير



وحبيبة 2010 ذكرت تجربتها



صفحة 31 يا رب تستفادوا منها




هقولكم شوية طرق:




1- يعجن بماء ساخن لو دافيء فقط ويترك ساعه ثم يوضع على الشعر



2- يعجن بماء بصل احمر او جزر او الاتنين



3- يعجن بماء بابونج



4- يعجن بالزيوت



5- يعجن بالزيوت والزبادي



6- يعجن بالماء ومعاه صفار بيض



7- يعجن بمغلي الحلبه





الخلاصه:




اعجنيه باي طريقه وحطي عليه اي اضافات



انا افضل اول طريقه اما لو عايزين تحطوا اضافات اوك



بس الاول نعجنه بماء ساخن ونسيبه يتخمر



وبعدين نحط عليه اي اضافات عايزينها




ليه؟؟؟




لان فيه بذرة قطونه واعشاب تانيه وانتوا عارفين



بذرة قطونة لازم ماء ساخن علشان يخرج منها المادة اللزجه المفيدة



وهتلاحظو انه بيكون لزج جدا بعد مايتعجن بماء دافي مايل للسخونه


وكل الاعشاب بنستخدم ماء ساخن قبل ما نستخدمها صح؟


وكمان ممكن نستخدمه بالماء الساخن بس



وبعد ما نشطفه نحط حمام زيت واي حاجه عايزينها



لمدة نصف ساعه او ساعه




انا بصراحه افضل استخدامه لوحده من غير اضافات




ليه؟؟؟




لان الزيوت ممكن تعمل عازل ومش نستفيد من فوائد الاعشاب اللي فيه




اه هتحسي بنعومه لو حطيتي زبادي وزيوت




بس ممكن ده من تاثير الزبادي والزيوت لو حدها


ايه ضمنك انك استفدتي من المشاط؟؟؟؟؟؟؟؟



لكن ممكن نعجنه بماء البابونج او الحلبه او مغلي الاس



او نضيف ماء البصل او عصير الجزر او عصير الجرجير كل ده ماشي الحاجات السخنه نعجن بيها والبارده نحطها عليه بعد ساعه



اتفقنا؟؟؟؟؟؟؟؟؟




ووطبعا هو بيكون لزج جدا




طريقة الاستخدام؟؟؟




لازم يكون الشعر نضيف يعني مغسول او مفيهوش اي زيت



علشان نضمن وصول فائدة خلاصة الاعشاب


لازم تلبسي حاجه غامقه


هنحطه عل الشعر بمشط واسع بلاستيك لازم شعرك يكون مغسول ومتسلك
تقسمي شعرك وتحطي على جزء جزء وتسرحي بالمشط طبعا قدام الحوض لانك هتنقطي اكيد
وتعملي ضفيرتين ترفيعهم على راسك عكس بعض وبنستين


ونحط فوقه بونيه بلاستيك وايشارب او اشاربين تاني علشان



هو بينقط ميه احيانا




ونسيبه 4 او 6 ساعات او تنامي بيه بس حطي فوطة على المخده لانه بينزل ميه احيانا




وبعدين نغسله تحت الحنفيه في البانيو او الحوض المهم ماء جاري فاتر لانه متعب في غسله



من غير شامبو خالص



وتتخللي الشعر بايدك لغاية ما ينضف حوالي ربع ساعه



تحت الحنفيه



وبعدين لما ينضف خالص حطي الشامبو بئه




اما لو هتعملي بعده حمام زيت يبقى قبل غسله بالشامبو اشطفيه بس وبعدين حطي حمام الزيت ولما تخلصي



ابقي اغسليه بالشامبو




النتيجه:




عادي جدا مش هتحسي باي فرق



ايه رايكم في الاحباط ده



بس انا اتعودت اقول الحقيقه دايما



بس هو في فرق ايه هو؟




ريحة شعرك قرنفل



شعرك ناشف شويه وفيه بواقي من المشاط حتى بعد غسله بذمة



علشان كده بتحسي انه تقيل



وعلشان يبنشف الشعر بفضل بعده حمام زيت او كريم



لكن مش مهم الفايدة القريبه المهم الفايدة البعيده




طبعا هو بيقلل التساقط والقشرة وبيقوي الشعر




حراز بيقول ان الكورس شهرين كل اسوع او عشرة ايام تعمليه مرة لمدة شهرين




انا شايفه انك تعملي كده بس طبعا لو استمريتي مفيش اي مشكله خالص بس في الاول لازم كل اسبوع لمدة شهرين



الكميه اللي هتناسب الشعر المتوسط يعني في مستوى الصدر كده ملعقتين اكل مليانين




والاطول والاقصر يزود او ينقص حسب شعره



الحلقة التاسعه


شرب الماء


وجعلنا من الماء كل شيء حي


مش هقول كتر شرب الماء هيمنع التساقط والتقصيف و........ لا لا


لكن قلة شرب الماء يسبب التساقط ومشاكل الشعر
اي نعم ليس العامل الاساسي ولكنه من الاسباب





أهمية شرب الماء




·يمنح الجسم الرطوبة الكافية مما يسكب الجلد والشعر الليونة ويحفظ للعينين البريق.
·يجدد حيوية كل خلايا الجسم.
·ينظم درجة حرارة الجسم.
·يعمل على تخليص الدم من السموم والرواسب.
·ينشط الجهاز الهضمي وعملية الإخراج.
·يخفف سوائل الجسم.
·يعمل على ترطيب المفاصل وليونة حركتها ويحميها من الكدمات.
·يعوض ما يفقده الجسم من السوائل التي تخرج في البول والعرق والبراز ورطوبة الزفير.
·ينشط وظائف الكلى.




الكمية الكافية لشرب الماء:




·يحتاج الجسم العادي إلى 2 – 3 لترات يومياً بمعدل 8 أكواب 160 ملليلتر.
·كلما تقدمنا في السن تصير جلودنا وأغشيتنا أكثر رقة وتفقد المزيد من الماء وتقل كفاءة الكلى فتزداد الحاجة إلى الماء.
·تزداد الكمية في حالة الحمل والرضاعة والطقس الحار وعند ممارسة رياضة عنيفة.






الإكثار من شرب الماء يؤدي إلى:




·انتفاخ البطن.
·الشعور بالثقل.
·كثرة الغازات.
·يؤدي إلى تمدد مصل الدم، ويباعد بين الأنسجة والحجيرات ويجعلها تبطئ القيام بعملها.
·في حالات نادرة يؤدي إلى تسمم الماء .



الإقلال من شرب الماء يؤدي إلى:




·الجفاف والتعب وقلة النشاط.
·فقدان القدرة على ضبط حرارة الجسم.
·فقدان التوازن.
·إمساك.
حصى الكلى
النسيان
جفاف العين والفم والجلد



ولذا فخير الأمور أوسطها، لا بالإكثار ولا تقليل.





متى نشرب الماء؟



·نبدأ النهار بعد فراغ المعدة طول الليل بشرب كوب من الماء؛ لينبه الأمعاء ويغسل المعدة ويخلص الكليتين من الشوائب والرواسب والرمال، وينبه الكبد لفرز الصفراء، وتحضير المعدة لهضم طعام الإفطار.
·نشرب الماء البارد (المعتدل الحرارة) قبل الطعام بساعة – بعد الطعام بساعتين؛ حتى لا يسيء إلى عمل العصارات الهاضمة ويقلل من كفاءة عملها.
·لا تزيد على كوب واحد من الماء البارد مع الأكل، ونشربه على فترات حتى لا يعوق عملية الهضم.
·نشرب كوبا من الماء البارد مع الأغذية الجافة، مثل الخبز واللحم ليسهل عملية الهضم.
·نشرب ماءا باردا بعد القيام بمجهود كالرياضة أو المشي ولكن بعد أخذ قسط من الراحة وبهدوء وتدرج.
·نشرب الماء في حالة تناولنا مدرات، مثل القهوة والشاي والمشروبات الغازية.
·عند اتباعنا لحمية النحافة.
·الرضاعة لإدرار اللبن وتعويض السوائل في جسم الأم.
·عند الشعور بالحرارة في الجو.
·المرأة الحامل.
·قبل النوم.




و اهم شيء ان احنا نحاول نخلي شرب الماء عادة:
ازاي؟؟


·كوب عند الاستيقاظ .
·كوب مع كل وجبة.
·كوب بعد ساعة أو ساعتين من كل وجبة.
·كوب قبل النوم.




كده المجموع = 8 أكواب يومياً وده المفيد


وكمان انا بعمل حاجه ظريفه


نحط ازازة في كل اوضه بالذات المطبخ والليفنج وغرفة النوم جنب السرير


وكل ما نشوف ازازاة نشيلها ونبوسها


بوسة كبيره اد الكوباية


فاهمين طبعا
ومننساش لازم ناخد واحده واحنا خارجين علشان ضنانا





تحذيرات



1.عادة شرب الماء المثلج وقت الشعور بالحر تؤدي إلى التهاب الغشاء المبطن للمعدة ـ وخاصة المعدة الضعيفة ـ والتهاب الحلق.
2.كبار السن لا يشعرون بالعطش رغم حاجة أجسامهم للماء؛ لذا لا بد من جعل شرب الماء عادة من الصغر للتذكير عند الكبر.
3.شرب الماء المثلج أثناء وجبات الطعام يؤثر في عملية الهضم ويعوق إفرازات المعدة ويؤخر الهضم.
4.الإكثار من شرب الماء أثناء الوجبات يؤخر عملية الهضم ويؤدي إلى الشعور بالثقل وكثرة الغازات.
5.كثرة شرب الماء في حالة السمنة يؤدي إلى إبطاء عملية الهضم فيؤدي إلى تحول الأغذية إلى طبقات دهنية بدلاً من احتراقها لتعطي النشاط والطاقة للجسم.

الحلقة العاشرة


منتجات العناية بالشعر


منتجات الشعر مهمه جدا في الشكل النهائي للشعر في منتج يحسسك ان شعرك حلو التاني يحسسك انك منكوشه


في منتج مفيد وفي منتج مضر زي الفرد الصبغه وهكذا


المنتجات كتييييييييييييير وكلنا بنقف محتارين قدامها
بيبقى نفسنا نسال اي بنت جربتي ده ولا لا؟؟ صح؟؟


طبعا التجربة خير برهان


مع شوية خبرة وشوية علم صغيرين


علشان كده الحلقه النهارده شيقه جدا


انا نفسي منتظرة مشاركاتكم بفارغ الصبر


هنستفيد جدا من تجارب وخبرات بعض


وطبعا اي حد عايز يرد على اي حد ويستفسر عن اي حاجه مفيش مشاكل خالص بالعكس هو ده الغرض الاساسي


هنتعلم من بعض كتيييييييييييير


كل واحده تحكي جربت ايه ورايها فيه ايه بس متنسوش لازم نقول طبيعة شعرنا الاول


هل في نوع فرد معين ضرها ونوع تاني كان كويس


الامثلة كتيييير


قلبوا في الذاكرة وطلعوا كل خبراتكم


الحلقه الحادية عشر


القشرة


طبعا القشرة مشكله عند ناس كتير بالذات الشعر الدهني


والمشكله انها من اهم اسباب التساقط


علشان كده لازم تتعالج بسرعه جدا



العلاج



1- شامبو نيزورال : ممتاز اي حد هيقول مبيعملش حاجه هقوله انتي مستخديمتيهوش صح


لازم اتباع التعليمات بدقة


بعد الشامبو العادي بتاعنا نشطف ضنانا وناخد في راحة اليد كميه حوالي ملعقه صغيره و نغسل بيه الفروة


نتخلل الفروة بس مننضيعوش على الشعر كله


ونسيبه 5 دقايق ونشطفه
مرتين في الاسبوع لغاية العلبه ماتخلص
ان شاء الله تكون القشرة خلصت بردو


2- طريقه مجربة استخدام ديتول او سافلون والسافلون ارخص وفعال


لو بشرتك حساسه خفيفيه الضعف


اما لو مش حساسه استخدمي الزجاجه كلها (العبوة الصغيرة)على فروة الراس قبل غسل الشعر بنصف ساعه



من اول او تاني مرة مفيش قشرة


3- لاصحاب الفروة الدهنيه واللي بيعانوا دايما يستخدموا هيد اند شولدرز او اي شامبو ضد القشرة على طول


او شامبو للشعر الدهني


ويشطفوا شعرهم دايما بخل تفاح او خل عادي بس خل التفاح افضل مخففين يعني ملعقة خل على كوب ماء


وزودي على حسب طول شعرك


والطرق كتير اوي بس انا خترتلكم اضمن حاجه واسهل حاجه


الحلقه الثانية عشر


وصفة العمر



الوصفة ده كانت مخليه شعري تحفة بجد


يا ريت كلكم تواظبو عليها




والله يا بنات انا استخدمت الوصفة ده سنين ومقدرش اقول غير انها نعمة من الله
المهم الاستمرااااااااار
الاستمرااااااار
ااستمراااار
انا كنت بعملها كل اسبوع او اتنين ولما اتاخر يبق شهر
طبعا هتقولوا بطلتها ليه
علشان اتخطبت واتلخمت في الكليه والجواز و الحمل والاطفال
لكل شيء تمن والتمن كان شعري وبطني و حاجات كتيربحاول اصلحها دلوقتي

انا مش هعيب فيا وصفات تانيه انا ما ستمريش غير على ده وهي نتيجتها 100%
وسمعتها قريب من خبيرة تجميل في التلفزيون
المهم مش هرغي اكتر من كده
احلى حاجه في وصفتي اني مجرباها سنين انا واختي والحمد لله شعرنا احلى شعر في العيله احنا استخدمناها في مرحلة ابتدائي واعدادي وبسيط في ثانوي
يعني اعملوها لبناتكم
الوصفة
علبة زبادي
2 ملعقة عسل ابيض مضمون
صفار بيضه
2 ملعقة زيت جوز الهند بالذات الي في صفيح خضرا بشوفه عند العطارين وفي سوق ليبيافي مطروح
طبعا غالبا بيكون متماسك سيحيه على نار هاديه بسيط وكمان هيخلي الوصفه دافيه
اخلطي كله على بعض وحطيه على شعرك بعد تقسيمه زي اي حمام زيت على الفروة والاطراف حطي عليه كيس بلاستيك و فوطه سخنة اوسشوار
وممكن تحطي كام نقطة ليمون على بياض البيضه او نشا وتحطيهم على وجهك كماسك
وقومي روقي الشقه علشان تعرقي والمسام تتفتح




اللي مش عنده زيت جوز الهند يبقى زيت السمسم


او اي زيت تاني زيت زيتون مثلا


وزيت املا كنت بعمل بيه كتير اوي وكان ممتاز

الحلقة الثالثة عشر

التقصف

مشكلة عند الكل ليييييييييييييييييييييه؟؟

علشان اسبابه كتييييييييييييييير

1- الغسيل المتكررللشعر اللي يتعدى المعدل الطبيعي مما يفقده المواد الدهنية والأملاح اللازمة لمرونته وحمايته

2- غسله بشامبو لا يتناسب مع الشعر أو غسله بنوع من الصابون القوي المزيل للدهون فيفقد الحد الأدنى من المواد الدهنية اللازمة لمرونته وقوة تحمله

3- عدم العناية بشطف الشعر جيدا بالماء النقي بعد غسله بالصابون أو الشامبو

4- ترك الشعر بدون غسيل مدة أكثر من اللازم فتتراكم الأتربة حول ساق الشعر فتسبب تقصفه

5- استخدام مشط أسنانه حادة لتسريح الشعر خصوصاً إذا كان مصنوعاً من البلاستيك مما يؤدي إلى حدوث كهرباء في الشعر تؤدي إلى تقصفه

6- تمشيط الشعر بالفرشاة وهو مبلول بعد غسله وهو عادة بيكون هش و شديد الحساسية عديم المقاومة يسهل تقصفه

7- فرك الشعر بالفوطة بقوة كمحاولة لتجفيفه ( نسيبه ينشف تحت الفوطة عشر دقايق )


8- استخدام السشواركطريقة لتجفيف الشعر مما يسبب جفاف بساق الشعر أو أطرافه نتيجة زيادة جفاف الجو أو ارتفاع درجة حرارته بنسبة كبيرة

9- استخدام كريمات فرد الشعر أو تجعيده

10- الانتقال من بيئة ذات جو عادي إلى جو حار

11- سوء التغذية ( اتفقنا عليه خلاص صلحناه ان شاء الله)

12- استخدام بنس الشعر بعنف او استخدام البكر تحت السشوار الساخن

13- المواد الكيمائية الموجودة في الصبغات واللي بتدخل الخلايا وتؤدي إلى تشقق الشعرة وتلفها


اختبارين مهمين جدا


الاختبار الاول

ازاي تعرفي ان شعرك قوي او لا ؟؟

خدي شعرة من اللي واقعين في المشط واربطي طرفيها بين صوابعك الابهام والسبابه في كل ايد وشدي بالراحه

المفروض تتمدد حوالي 20 او 30 % من طولها ده لو شعرك صحي

وترجع تاني

لكن اللي هيحصل مع المعظم اكيد عارفاكو بتعملو ايه في ضناكم

انها هتتقطع


صح ولا ايه؟؟

يا رب يكون ضناكم قوي ولو مش قوي دلوقتي تهتموا بيه وتشدوا حيلكم علشان يشد حيله


الاختبار التاني

شعرك مقصف ولا لا؟؟

طبعا الاطراف متشعبه ده حاجه واضحه لكن احيانا الشعر بيكون هايش من غير اطراف متشعبة

ده نوع من التقصيف بردو

هاتي شعرة من اللي واقعين في المشط الخشب

وغمضي عينيك وحطيها بين السبابه والابهام من طرفها العلوي اللي عند الجذر

واسحبي صوابعك عليها هتحسي ان من فوق ناعم وبعدبن فيه مطبات في الملمس من تحت

علشان كده شعرك من تحت هايش

مع الاهتمام والوقت كل ده هيروح ان شاء الله


علاج التقصيف

القص القص القص

لكن الاهتمام بالغذاء وكل النصائح اللي فاتت وتجنب الاسباب اللي قلتها اهم شيء علشان نوقف مهزلة التقصيف اللي مبوظه ضنانا خالص

ولا حاسين بطوله ولا نعومته ولا حنيته ولا اي حاجه على طول ناشف كده


لكن اهم حاجه هقولها النهارده

الاهتمام بالترطيب لان جفاف الشعره هو من اهم اسباب تقصيفها

البلسم مهم وبيسهل التسريح علشان منرهقش الشعرة في التسريح وبيدي رطوبة

ماسك حلو لحماية الشعر من التقصيف

موزة مستوية + معلقتين عسل+ معلقتين زيت زيتون

قبل غسل الشعر بنصف ساعه او ساعه

والناس اللي بتكسل ارجوكم بس حمام زيت اي زيت قبل كل غسل للشعر لو حتى نص ساعه ولو اكتر مفيش مشاكل لغاية 8 ساعات

ترطيب الشعر مهم حتى الفروة الدهنيه يحطوا على اطراف الشعر بس

الحلقة الاخيرة
1- امبولات ايفا بالبانثينول






ده للي شعرهم وقع كتير او مجهد من الصبغات او الاهمال وفعلا حلوة


مع كل النصائح طبعا هتجيب نتيجه كويسه جدا


تستعمل مرتين في الاسبوع على الفروة الشعر نضيف خالص وناشف ونحط بونيه بلاستيك


وفوطة سخنه نكرر الفوطة اربع مرات ومنغسش شعرنا عادي


الاستخدام لمدة اربع شهور على الاقل وطول الاستخدام مش مضر ابدا




2- التسريح بالمشط الخشب وبالنسبة للتسريح 100مرة يفضل الواسع او الفرشاة الخشب ويا ريت الاستغفار مع كل مرة


وده مرة واحد يوميا لكن نسرح شعرنا عادي مرتين كمان خلال اليوم مع تغيرر اتجاه الشعر ضروري





3- التدليك برفق ارجوكم والشعر الدهني بلاش تدليك خالص والتسريح كمان براحه خالص ومش لازم 100 مرة





4- بالنسبة للصابون النابلسي وغيره : مفيش صابون مفيهوش قلويات ده قاعده اساسيه


زيت زيتون مثلا + قلوي=صابون


انا بصراحه مش ضد الشامبوهات خالص
وطول عمري بستخدمها وشعري طول عمره رااااااااائع انا اللي بوظته مؤخرا بالهايلايت



لكن طبعا اللي مرتاح مع الصابون عادي بردو




5- بالنسبة للم الشعر دايما خلوه مرتاح مش مشدود سواء ضفيرة واسعه او استيك واسع المهم ميكونش مشدود وبس




6- اهم شيء واسهل شيء حمام زيت ولو مرة في الاسبوع مش صعبه