بالصور.. أحدث موديلات البالطوهات والتونيكات لشتاء 2013
إزاي تخرجي كسبانة من عروض الـSale؟!
الأوكازيون على الأبواب، وطبعا كل البنات بتبدأ
تجهّز نفسها علشان تنزل تشتري الحاجات اللي ماقدرتش تشتريها طول موسم
الشتاء، لأن اللبس الشتوي معروف دايما إنه بيبقى غالي وأسعاره عالية جدا،
وخصوصا اليومين دول في ظل الأزمة الاقتصادية اللي بتشهدها مصر.
والنهارده هنعرض لك مجموعة مميزة جدا من أحدث موديلات البالطوهات والتونيكات، وهنقول لك كمان إزاي تختاري الموديل المناسب لشكل جسمك.
بس قبل ما نتفرّج على الصور اللي معانا، هنقول لك الأول شوية نصايح على السريع، علشان تعرفي إزاي تخرجي كسبانة من عروض الـSale اللي بتقدّمها المحلات.
نصايح على السريع
- قبل ما تنزلي تشتري افتحي دولابك وشوفي إيه القطع اللي ناقصة عندك، سواء كانت بالطو أو جاكيت قصير أو بوت.
- حدّدي الألوان اللي إنتِ محتاجة لها واللي مش موجودة في دولابك، وابتعدي عن الألوان المكررة اللي بتلبسيها دايما، علشان تظهري بشكل متجدد دايما.
- مع الجرد اللي هتعمليه للدولاب ممكن تعيدي اكتشاف قطع من ملابسك القديمة، بإنك تلبسيها بطريقة مختلفة أو تضيفي لها أكسسوارات تغيّر من شكلها.
- لما تنزلي تشتري مافيش مانع إنك تشتري الموديلات والألوان اللي طالعة موضة، بس بلاش تكتّري منها لأن الموضة بتتغيّر باستمرار، علشان كده حاولي دايما إنك تختاري الحاجات اللي إنتي محتاجة لها فعلا، واللي يكون شكلها محايد مش مجرد موضة وهتخلص.
البالطو.. لأناقة وطلّة شتوية
- البالطو من أغلى وأشيك الملابس الشتوية، لأنه بيميّز شخصيتك ويظهر أناقتك.
- مهم إنك تعرفي إن طول البالطو بيعتمد على شكل طول جسمك، يعني لو كان طولك مناسب فإنتي ليكي حرية الاختيار بين الأطوال مختلفة، أما لو كنتِ طويلة شوية فالأفضل إنك تبعدي عن البالطوهات القصيرة أوي، ويفضل البالطو اللي بيوصل للركبة، أما لو كنتِ قصيرة فيفضّل البالطو القصير، لأنك لو لبستي بالطو طويل هيظهر إنك قصيرة.
- كمان ممكن تختاري لون البالطو مناسب للون بشرتك، بمعنى لو بشرتك لونها فاتح اختاري الألوان الغامقة زي النبيتي، وهو من الألوان الموضة 2013، أما لو بشرتك سمرا أو قمحاوية اختاري الألوان الفاتحة زي البيج، وهو كمان من الألوان الموضة 2013.
أحدث أشكال وألوان البالطوهات
- البالطو من أغلى وأشيك الملابس الشتوية، لأنه بيميّز شخصيتك ويظهر أناقتك.
- مهم إنك تعرفي إن طول البالطو بيعتمد على شكل طول جسمك، يعني لو كان طولك مناسب فإنتي ليكي حرية الاختيار بين الأطوال مختلفة، أما لو كنتِ طويلة شوية فالأفضل إنك تبعدي عن البالطوهات القصيرة أوي، ويفضل البالطو اللي بيوصل للركبة، أما لو كنتِ قصيرة فيفضّل البالطو القصير، لأنك لو لبستي بالطو طويل هيظهر إنك قصيرة.
- كمان ممكن تختاري لون البالطو مناسب للون بشرتك، بمعنى لو بشرتك لونها فاتح اختاري الألوان الغامقة زي النبيتي، وهو من الألوان الموضة 2013، أما لو بشرتك سمرا أو قمحاوية اختاري الألوان الفاتحة زي البيج، وهو كمان من الألوان الموضة 2013.
أحدث أشكال وألوان البالطوهات
بلوفرات وتونيكات.. شياكة وروشنات
الميزة في البلوفرات والتونيكات الشتوية إنها عملية، وكمان تقدري تلبسيهم في المناسبات الخاصة وخروجات بعد الضهر، لكن طبعا مع مراعاة اختيار الموديل المناسب.
ودلوقتي هنقول لك نصايح سريعة تساعدك، علشان تختاري الموديل المناسب معاكي.
- يُفضّل إن لو منطقة الأرداف عندك كبيرة، إنك تختاري طول مناسب للبلوفر أو التونيك، تكون نهايته عند منتصف منطقة الأرداف.
- لو منطقة الصدر والذراعين مليانة، يفضّل إنك تختاري موديلات بأكمام واسعة وطويلة ونازلة على مقاس واحد، وبلاش تختاري حاجات فيها قصات وكشكشات عند منطقة الصدر.