المجلة النسائية

"كبيبة شامي"

المقادير

الغلاف الخارجي
ربع كيلو لحمة حمراء
ربع كيلو برغل ناعم منقوع ومصفى جيداً من الماء
معلقة صغيرة كبيبه صيني (من عند العطار)
بصلة متوسطة
بهارات مشكلة
ملح

الحشو
حوالي نصف كيلو لحمة مفرومة مضاف إليها بصلة مفرومة أيضاً، وتشوّح مع قليل من الزيت حتى يُصبح لونها بني، ونضيف إليها نصف معلقة صلصة صغيرة وبهارات وملح، ويضاف إليها ماء ونتركها حتى تتشرب الماء تماماً وتتخلص من أي سوائل بها وتستوي.

الطريقة
1- نخلط ربع كيلو اللحمة ونفرمها مع البرغل المنقوع، وبعدين نضيف عليهم الكبيبة الصيني والبصلة والملح والبهارات ونفرمهم كويس مع بعض، وبعد كده نتركهم في الثلاجة حتى يتماسك الخليط قليلاً.

2- نحضره من الثلاجة ونشكل الكبيبة على شكل كرة، ونعمل فتحة من المنتصف و"نقورها" بالإصبع حتى يصبح إطار الكرة رقيق جداً، وده هيكون الغلاف الخارجي للحشو.

3- نضع بداخله الحشوة بعد تصفيتها جيداً من الزيت، ونقفل الغلاف الخارجي على الحشوة ونكورها على شكل بيضة ونكرر بنفس الطريقة لغاية ما نخلص المقدار كله ونضعه في الثلاجة لمدة عشر دقائق.

4- نطلع الكبيبة من الثلاجة ونقليها في زيت غزير لحد ما تحمر من بره، وعلى فكرة مش هتاخد وقت في القلي؛ لأن الحشوة مستوية، ومجرد الغلاف الخارجي بس اللي هيحمر..

بالصور .. بريطانية تأكل الاسفنج و الصابون

بالصور .. بريطانية تأكل الاسفنج و الصابون

اصيبت شابة بريطانية تدعي " كيري تريبلكوك" 21 سنة ، بحالة "بيكا " وهى حالة نادرة من الاضطراب ، حيث جعلتها تأكل 4000 اسفنجة تنظيف و اكثر من 100 قطعة صابون.
وفقا لما نشرته صحيفة ديلي " ميرور " البريطانية . تتسبب الحالة في شعور كيري بالجوع عند مشاهدتها الصابون او غسلها الاطباق ، كما تاخذ معها كيسا ملئ بالصابون تضع فيه قطع من الاسفنج و الصابون الذي تختاره بعناية فائقة.
من جانبها اكدت كيري علي تناولها الاسفنج مع الصلصه الحاره او صلصله الخردل بالاضافة الي تناولها الغذاء الطبيعي ، كما تغمس احيانا قطع الاسفنج في الشاي اوالشوكولاته.

فتة الفراخ بالزبادي

المقادير
فرخة كاملة
3 أكواب أرز
5 خبز شامي
2 معلقة كبيرة ثوم مدقوق
1/3 كوب خل
زيت عباد الشمس للقلي
7 علب زبادي
2 معلقة كبيرة سمن بلدي
1/2 كوب لوز
1/2 كوب صنوبر
ملح وفلفل

الطريقة
1- هاتي الفرخة واغسليها كويس وبعد كده اسلقيها، بعد ما الفرخة تستوي أخليها من العظم والجلد وقطعيها شرائح.

2- هاتي الأرز واغسليه، وبعد كده هاتي حلة وحطي فيها معلقة سمنة ومعلقة زيت وضيفي إليهم الأرز وقلبيه معاهم لمدة خمس دقائق.. بعد كده ضيفي إليه شوربة الفرخة.

3- أثناء ما الأرز بيستوي هاتي الخبز وقطعيه قطع متوسطة الحجم وحمريه في الزيت لغاية ما لونه يبقى دهبي وبعد كده حمصيه في الفرن.

4- سخني معلقة سمن فوق نار خفيفة وضيفي إليها معلقة كبيرة ثوم وقلبيهم مع بعض لغاية ما لون الثوم يبقى دهبي، ضيفي إليه الخل وسيبيه لغاية ما يغلي وبعد كده ضيفي إليه كوب مرقة فراخ وسيبيهم لمدة خمس دقائق على النار.

5- اخلطي الزبادي في طبق مع معلقة خل و1/2 معلقة ثوم وملح وفلفل وقلبيهم مع بعض وبعد كده حطيه في التلاجة.

6- هاتي اللوز واغليه في المية لمدة 1/4 ساعة وبعد كده قشريه وقطعيه إلى قطع صغيرة وحمري اللوز والصنوبر كل على حدة.

7- هاتي طبق زجاجي وحطي فيه الخبز المحمر ومن فوقه حوالي 1/2 كوب من صلصة الخل والثوم وبعد كده حطي الأرز.

8- ضيفي قطع الفراخ إلى المتبقي من صلصة الخل والثوم وسخنيهم مع بعض على نار متوسطة لمدة دقيقة علشان الفراخ تتشرب من الصلصة، بعد كده حطيها فوق الأرز وحطي الزبادي ومن فوقه معلقة سمن ساخنة، ورشي على الطبق من فوق اللوز والصنوبر.

جمبري مقلي بالجبنة

المقادير
2 بيضة مخفوقة
معلقة كبيرة بقدونس مفروم ناعم
كوب جبنة رومي مبشورة
زيت ذرة للقلي
كوب دقيق
كيلو جمبري مقشر
ملح وفلفل
كوب بقسماط
معلقة صغيرة ثوم مفروم

الطريقة
1- اغسلي الجمبري كويس وبعد كده حطيه في مصفاة وسيبيه علشان يصفي المية.

2- هاتي فصوص الثوم وقرن فلفل أحمر مقطعاً قطعاً صغيرة، وحطيهم في الهون ومعاهم الملح والكمون والبهارات، واطحنيهم كويس مع بعض.. بعد كده ضيفي إليهم الليمون وقلبيهم مع بعض ومعاهم الجمبري، وقلبيهم مع بعض كويس ، وسيبيه لمدة ساعتين علشان يتبّل كويس.

3- حطي الدقيق في طبق، وفي طبق آخر اخلطي البقسماط والجبنة، وحطي البيض في وعاء ثالث، وضيفي إليهم نص معلقة ملح وفلفل واخفقيه كويس.

4- بعد مرور ساعتين وبعد ما الجمبري يتبل اغمسي الجمبري في الدقيق ثم البيض، وبعد كده في مزيج البقسماط والجبنة وغطيه وحطيه في التلاجة لمدة 15 دقيقة.

5- سخني الزيت كويس، وبعد كده حمّري الجمبري في الزيت لغاية ما لونه يبقى ذهبي، وبعد كده طلعيه على ورق التقديم وزيّني الطبق بالبقدونس وقطع الليمون.

مكرونة اسباجتي بالفراخ والروزماري

المقادير:

• نص كيلو مكرونة اسباجيتي.
• نص كيلو صدور فراخ مخلية.
• 2/1مكعب مرقة دجاج.
• 3 فصوص ثوم مدقوق.
• 3 معالق كبيرة زيت عباد الشمس.
• 4 معالق كبيرة من عصير الليمون.
• 2 معلقة كبيرة جبنة رومي مبشورة.
• 2 معلقة صغيرة روزماري طازج، أو معلقة صغيرة روزماري جاف.
• 2 معلقة كبيرة بقدونس مقطع قطع صغيرة.
• ملح وفلفل.

الطريقة:

1- اسلقي المكرونة وصفّيها من الميه وسبيها في المصفاة، وضيفي إليها معلقة كبيرة زيت وقلبيهم كويس؛ وده علشان المكرونة ما تلزقش في بعضها.

2- بعد كده أحضري قطع الفراخ واغسليها كويس، وبعد كده قطعيها إلى مربعات متوسطة الحجم.

3- سخني الزيت في حلة متوسطة، وبعد كده ضيفي إليه الثوم والروزماري وقلبيهم مع بعض لمدة دقيقة، بعد كده ضيفي إليهم الفراخ وحمّريها فيهم لغاية ما لونها يبقى ذهبي.

4- بعد كده ضيفي لها مرقة الدجاج وعصير الليمون، وقلبيهم مع بعض لغاية ما تقل كمية السائل إلى النصف.

5- وفي الآخر ضيفي المكرونة الاسباجتي والبقدونس والملح والفلفل وقلبيهم كلهم مع بعض.. وبعد ربع ساعة شيليهم من على النار وحطيهم في طبق التقديم، ومن على الوش رشي الجبنة..

و"بالهنا والشفا".

فراخ بالخلطة.. على طريقة

فراخ بالخلطة

المقادير:
فرخة وزنها حوالي كيلو.
3 بصلة كبيرة.
2 ثمرة طماطم كبيرة.
2 ثمرة بطاطس كبيرة.
حوالي 5 أعواد بقدونس وزيهم كسبرة.
بهارات مشكلة (ملح - فلفل- كمون- جنزبيل مطحون - قرفة - كاري- كركم).
عصير ليمونة واحدة.

الطريقة:
1- بنغسل الفراخ كويس جداً بالملح والدقيق والليمون ونسيبها تصفي الماء اللي فيها.

2- في وقت ما الفراخ بتتصفى من الماء بنبشر البصلتين والطماطم ونحط عليهم عصير الليمون والبهارات ونقلبهم كويس مع بعض.

3- ناخد الفراخ بعد ما اتصفّت من الميه كويس جداً، ونقطعها، ونمسك كل قطعة وندخّل التتبيلة اللي عملناها بالراحة ما بين الجلد واللحم.

4- نحط الفراخ في طبق، ونلفه كويس بكيس بلاستيك ونغطيه بغطاء ونسيبها طول الليل في الثلاجة.

5- تاني يوم نجيب البصلة الثالثة ونقطعها شرايح رفيعة ونقطع البطاطس مكعبات، ونشوّح البصل والبطاطس مع بعض مع شوية ملح صغيرين في الصينية اللي هنعمل فيها.

6- نخرّج الفراخ من الثلاجة ونرصّها فوق البطاطس والبصل اللي شوحناهم مع بعض، وبنحط عليهم حوالي كوب واحد ماء، وبعدين نحط عليهم أعواد الكسبرة والبقدونس (بدون تقطيع).

7- نغطي الصينية بورق الفويل وندخلها الفرن على درجة حرارة ما بين 180 إلى 200 درجة ونتركها من ساعة لساعة وربع على حسب ما الفراخ تستوي.

8- قبل ما نخرّجها من الفرن بنشيل ورق الفويل من على الصينية ونحط الفراخ تحت الشواية علشان تتحمر شوية.

9- بعد كده بنخرجها من الفرن وتقدم ساخنة مع مكرونة، وأهم حاجة طبق السلطة.

موظفه يهينها مديرها امام زملائها.. شاهد ماذا فعلت

"فراخ بصوص الطماطم"

"فراخ بصوص الطماطم".

المقادير:
5 حبات طماطم كبيرة.
فرخة متقطعة أربع أرباع.
ثمرة بصل مبشورة.
ثمرة بصل متقطعة شراثح.
ثمرة طماطم متقطعة شراثح.
توابل (ملح- فلفل أحمر- قرفة- كمون- فلفل أسود).
زيت أو سمن حسب الرغبة.

طريقة العمل:
1- تضرب الـطماطم في الخلاط لعمل عصير طماطم.

2- اغسلي الفراخ كويس، واعملي فيها فتحات صغيرة باستخدام شوكة أو سكينة.

3- هاتي صينية متوسطة الحجم وضعي فيها الزيت أو السمن، ويتم وضع البصلة المبشورة وكميه صغيرة من صلصة الطماطم.. نضع الفراخ في نفس الصينية، ونضع باقي صلصة الطماطم فوق الفراخ؛ بحيث تدخل في الفتحات اللى إحنا عملناها بالشوكة قبل كده.

4- نضع قطع الطماطم المتقطعة والبصل المتقطع والتوابل في الصينية فوق الفراخ.

5- نضع الصينية في فرن متوسط الحرارة لمدة ساعة، ونتابعها لغاية ما نتأكد من إنها استوت.

6- يمكن رش بقسماط على الفراخ في آخر ربع ساعة علشان الوش يحمر من فوق وتكون مقرمشة.
وبالهنا والشفا،

ويا رب تكون الوصفة عجبتكم، وعندي وصفات تاني كتيييييييييير هاستنى أسمع آراءكم.

انذل بنت بتشوفها بحياتك

انذل بنت بتشوفها بحياتك

Subscribe to: Posts ( Atom )