ازاي تزرعي الفطر في بيتك (عيش الغراب)
متتخضوش علي فكرة سهله قوى وبنعملها في البيت
المقادير
عفش ارز هاتيه من اي حتة اتصرفي
شوال قماش او بلاستيك مش مهم مش فارقة
شوية ميه
وآخر حاجة تجيبي الحبوب وممكن تجيبيها من اي جمعية مختص او اختصري وروحي وزارة الزراعة بيبيعوه هناك علي فكرة وثمنه رخيص قوي
الطريقة
بللي عفش الارز في الماء وخليه يتملي مية ورطوبة
حطيه جوة الشوال ولاحظى ان بين كل طبقة رشي شوية من البذور
اقفلي الشوال كويس وهاتي السكينة وتخيلي الشوال حد بتكرهيه واطعنيه 50 او 60 طعنة غادرة نافذة
شيلي الجثة قصدي الشوال وحطيه في حتة ضلمة مليانة رطوبة ومبيدخلهاش ضوء الشمس ابدا
وانسيه وبعد اسبوع او اثنين روحي شوفيه هتلاقيه توغل وتوحش والفطر طالع من كل طعنة طعنطيها علشان تفكرك بما اقترفته يداك
شيلي آثار الجريمة وتعالي تاني بعد يومين هتلاقي تانى
وهكذا لغاية ماتزهقي
بس في البيت وارخص كتير من برة..