فتوش لبنانى
تقدري تقدّميها مع الفسيخ والرنجة في شم النسيم
النهارده هنعمل مع بعض سلطة الفتوش اللبنانية بطريقة
سهلة وخفيفة، هتكون مناسبة جدا مع عيد الربيع، وتقدري تقدّميها مع الفسيخ
والرنجة علشان تكون مصدر للعناصر الغذائية المفيدة في الوجبة..
المقادير:
½ كيلو فول أخضر مقشّر (حِراتي)
3 رغيف عيش بيتا مقطّع شرائح رفيعة
كوب جبنة فيتا مقطّعة مكعبات صغيرة
ثمرة خيار مقطّعة شرائح رفيعة
2 ملعقة كبيرة بقدونس مفروم
2 ملعقة كبيرة نعناع مفروم
2 ملعقة كبيرة زيت زيتون
2 ملعقة عصير ليمون
بشر ليمونة
الطريقة:
1- حُطي الفول في ميه مغلية وسيبيه لمدة 3 دقائق، وبعدين شيليه من على النار، وسيبيه يبرد شوية، وبعد كده شيلي القشرة الخفيفة اللي عليه.
2- اخلطي الفول والخيار والعيش والجبنة الفيتا في طبق عميق وقلّبيهم كويس.
3- في طبق منفصل، اخلطي بشر الليمون والنعناع والبقدونس وعصير الليمون وزيت الزيتون لعمل الصوص.
4- ضيفي الصوص على السلطة وقلّبيهم كويس، وبكده تبقى جاهزة للتقديم.. وبالهنا والشفا.