أفكار سهلة هتخلي طفلك يحب اللبن
المشكلة الأزلية
لمعظم الأمهات أن أطفالهم بيكرهوا طعم اللبن، وبيرفضوا يشربوه، وفي حالة زي
دي صعب جدا الأم توافق طفلها على رغبته؛ لأن اللبن مهم جدا لجسمه ولسلامة
نموه.. طيب إيه العمل؟
النهارده هنقترح عليكي شوية أفكار ممكن تقدّمي بيها اللبن لطفلك بشكل مختلف، علشان يشربه من غير مشاكل:
لبن بالفواكه
الأطفال بيرفضوا شرب اللبن عادة لما بتقدّميه بصورته الخام، جرّبي تخلطي اللبن مع نوع الفاكهة اللي طفلك بيحبّها؛ زي الموز أو الفراولة أو الجوافة أو المانجو، وممكن تضيفي معاهم آيس كريم، وبكده طفلك هيوصل لجسمه كل فوايد اللبن.
آيس كريم بيتي مغذي
فكرة تانية ممكن تعمليها بعصير اللبن والفاكهة، وهي إنك تقدّميه لطفلك على شكل آيس كريم بيتي ومغذي؛ بإنك توزّعي العصير في قوالب الجيلي، وبعد كده اغرسي في كل قالب عصاية خشب (ستيك)، وحطّيها في الفريزر لغاية ما العصير يتجمّد وبعد كده طلّعي القوالب من الفريزر، وطلّعي الآيس كريم بالعصيان الخشبية وقدّميه لطفلك زي الآيس كريم الجاهز، ولكن بقيمة غذائية عالية، وخالي من المواد الحافظة والألوان الصناعية، وأكيد طفلك هيحبه جدا.
الأطفال بيرفضوا شرب اللبن عادة لما بتقدّميه بصورته الخام، جرّبي تخلطي اللبن مع نوع الفاكهة اللي طفلك بيحبّها؛ زي الموز أو الفراولة أو الجوافة أو المانجو، وممكن تضيفي معاهم آيس كريم، وبكده طفلك هيوصل لجسمه كل فوايد اللبن.
آيس كريم بيتي مغذي
فكرة تانية ممكن تعمليها بعصير اللبن والفاكهة، وهي إنك تقدّميه لطفلك على شكل آيس كريم بيتي ومغذي؛ بإنك توزّعي العصير في قوالب الجيلي، وبعد كده اغرسي في كل قالب عصاية خشب (ستيك)، وحطّيها في الفريزر لغاية ما العصير يتجمّد وبعد كده طلّعي القوالب من الفريزر، وطلّعي الآيس كريم بالعصيان الخشبية وقدّميه لطفلك زي الآيس كريم الجاهز، ولكن بقيمة غذائية عالية، وخالي من المواد الحافظة والألوان الصناعية، وأكيد طفلك هيحبه جدا.
اللبن جزء من الأكل
حاولي تعملي أصناف الأكل والحلويات اللي بيكون اللبن جزء رئيسي من مكوناتها، زي الأرز باللبن، والمهلبية، والعاشورة، والكاسترد، والبودينج بنكهاته المختلفة، والكورن فليكس والزبادي، كل دي أشكال مختلفة لأكلات ممكن طفلك يكون بيحبها وفي نفس الوقت هتمدّ جسمه بنفس فوايد اللبن.
حاولي تعملي أصناف الأكل والحلويات اللي بيكون اللبن جزء رئيسي من مكوناتها، زي الأرز باللبن، والمهلبية، والعاشورة، والكاسترد، والبودينج بنكهاته المختلفة، والكورن فليكس والزبادي، كل دي أشكال مختلفة لأكلات ممكن طفلك يكون بيحبها وفي نفس الوقت هتمدّ جسمه بنفس فوايد اللبن.
ودي طريقة عمل الأرز باللبن:
المقادير:
4 كوب لبن
½ كوب أرز
5 ملعقة كبيرة سكر
ملعقة كبيرة ماء ورد
كوب ماء
المقادير:
4 كوب لبن
½ كوب أرز
5 ملعقة كبيرة سكر
ملعقة كبيرة ماء ورد
كوب ماء
الطريقة:
1- اغسلي الأرز كويس، وبعد كده حطّيه في حلة على النار مع الميه، وسيبيهم مع بعض على النار لمدة 10 دقايق مع التقليب لغاية ما يبقى الأرز طري.
2- بعد كده ضيفي اللبن والسكر، وقلّبيهم مع بعض، وغطّي الحلة وسيبيها على النار لمدة 25 : 30 دقيقة أو لغاية ما الأرز يستوي تماما مع تقليبه من وقت للتاني.
3- في الآخر ضيفي ماء الورد على الأرز وارفعي الحلة من على النار، وابدئي وزّعي الأرز باللبن في أطباق التقديم، وسيبيها تبرد شوية، وبعدين حطّي الأطباق في الثلاجة علشان الأرز باللبن يتماسك، وعند التقديم طلّعي الأطباق وزيّنيها بالقرفة وقدّميها.. وبالهنا والشفا.
1- اغسلي الأرز كويس، وبعد كده حطّيه في حلة على النار مع الميه، وسيبيهم مع بعض على النار لمدة 10 دقايق مع التقليب لغاية ما يبقى الأرز طري.
2- بعد كده ضيفي اللبن والسكر، وقلّبيهم مع بعض، وغطّي الحلة وسيبيها على النار لمدة 25 : 30 دقيقة أو لغاية ما الأرز يستوي تماما مع تقليبه من وقت للتاني.
3- في الآخر ضيفي ماء الورد على الأرز وارفعي الحلة من على النار، وابدئي وزّعي الأرز باللبن في أطباق التقديم، وسيبيها تبرد شوية، وبعدين حطّي الأطباق في الثلاجة علشان الأرز باللبن يتماسك، وعند التقديم طلّعي الأطباق وزيّنيها بالقرفة وقدّميها.. وبالهنا والشفا.