تحضير صابون النشا وزيت الزيتون منزليا
تشرح خبيرة التجميل مروة جميل، طريقة تحضير صابون منزلى يستخدم لتفتيح وتنعيم بشرة الجسم فقط، ولكن يحذر استخدامه على بشرة الوجه.
ومكوّنات الصابون عبارة عن:
- صابون عادى متوسّط مبشور
- فنجان ماء ورد (تركيزها متوسّط أو ثقيل)
1/ 2 كوب عصير ليمون
ملعقة كبيرة زيت زيتون
ملعقة كبيرة زيت لوز حلو
ملعقة كبيرة نشا
بشر ليمونة
نسخن ماء الورد على النار، وبعد ذلك نضيف عليها الصابون المبشور، مع الاستمرار فى التقليب، حتى يذيب الصابون تماماً ويندمج مع ماء الورد جيدا، وبعد ذلك نضيف عصير الليمون.
وبعد إضافة عصير الليمون نلاحظ أن الخليط لم يعد متماسكا كما كان، وبدأ يتقطّع، وبعد تقليب الخليط نبدأ فى إضافة زيت الزيتون وزيت اللوز، وبعد ذلك نضيف النشا ونضيفها تدريجياً مع التقليب المستمر، وبعد ذلك نضيف بشر الليمون، ونقلّب المكوّنات جيدا على النار حتى نتأكّد إن الصابون والنشا اندمج تماماً مع بعضه.
وبعد ذلك نصبّ الصابون فى برطمان زجاجى وله غطاء، ونحفظه لمدة يوم فى الثلاجة، وبعد ذلك نبدأ باستعماله.
وعند استخدامه نخرجه من الثلاجة قبلها بساعة، ولابد من إعادته الثلاجة مرة أخرى ،لأن هذا الصابون لا يحتوى على أى مواد حافظة، وفى حالة تركه خارج الثلاجة، الصابون مع زيت الزيتون مع الليمون ينتج عنه طبقة عفن، لذلك لا يفضل تصنيع كميات كبيرة منه.
وينصح فى حالة عمل أى قناع أو ماسك استخدام الأوانى والزجاج الأركوبال أو خشب واستانلس، لكن نبتعد عن الأشياء المعدن أو البلاستيك لأن الليمون أو الخل يتفاعل مع هذه المواد.
والصابون نستخدمه بعد أخد الشاور، ونفرك جسمنا كويس باستخدام الليفة العادية أو الليفة المغربية والصابون أو الشاور جل العادى اللى بنستخدمه، علشان نفتّح مسام الجسم.. وبعد كده بندهن الصابون اللى عملناه دلوقتى على جسمنا زى الكريم، وبنسيبه لمدة 20 : 30 دقيقة، وبعد كده نشطف جسمنا كويس.
والصابون ده ممكن نستخدمه بشكل يومى مع الشاور اليومى بتاعنا لمدة شهر، علشان نفتّح المناطق الغامقة فى الجسم ونوحّد لونه، وبعد كده ممكن نستخدمه مرتين فى الأسبوع.