مشكلة القشرة مشكله مزعجه و تقصف الشعر


 
قشرة الشعر

مشكلة القشرة مشكله مزعجه جدا وغالبا بيعانى منها اصحاب الشعر الدهنى وبتظهر فى فروة الرأس والشعر وبتكون نتيجه الافرازات الدهنيه الزائدة بسبب زيادة نشاط الغدد الدهنيه فى فروة الراس او بتظهر فى فترة المراهقه والبلوغ بسبب التغير الهرمونى مثل ظهور حب الشباب وبتزيد دائما فى فصل الشتاء او عند استخدام الزيوت بكثرة او بتظهر عند بعض السيدات او الرجال بسبب ظهور بكتريا


وعموما قشره الشعر بتسبب مشاكل كتير زى سقوط الشعر والاحراج بسبب ظهورها على خصلات الشعر وكما تسبب الحكه فى بعض الاوقات


[وبالنسبه للعلاج
-بالنسبه للشعر الدهنى لابد من استخدام شامبو خاص للشعر الدهنى[


دهن فروة الرأس وتدلكيها جيدا بالليمون او الخل ويترك على الشعر لمدة ربع ساعه وشطفها بالماء فقط يوميا لازاله الدهون الزائده


اذا كانت قشرة الشعر زائده جدا فاستخدام خل التفاح المركز له مفعول كالسحر فى قتل البكتريا وازالة الدهون يدلك فروة الراس جيدا بيه ويترك على الشعر لمدة ربع ساعه ثم يشطف بالماء فقط يوميا[


اضافة ريفو (الاسبرين الاخضر) للشامبو عند غسيل الشعر وفى خلال ايام هتزول القشره نهائيا وعن تجربه شخصيا انا استخدمت الخل التفاح مرة واحده فقط واستخدمت الشامبو بالريفو الاخضر حوالى ثلاث مرات فقط تقريبا وزالت نهائيا بس كانت القشرة مش كثيرة جدا بس كانت واضحه على خصلات الشعر وكانت بتسبب لى تساقط للشعر بس للعلم الخل يسبب جفاف للشعر وممكن حله بعدين بالزيوت على الشعر نفسه مش الفروة


وعند الاستحمام نستخدم ماء دافئ وليس ساخن عشان الغدد الدهنيه ما تفرزش دهون بزياده وعلى فكرة اكل الدهون والاكل الحريف والتوابل بتسبب زياده فى الافرازات الدهنيه اللى تسبب القشره طبعا واستخدام السيشوار والجل
سقوط الشعر

سقوط الشعر مشكله مزعجه جدا وللاسف لاحظت انى اخوات كثيرة فى المنتدى يشكون من تساقط الشعر و تساقط الشعر له اسباب كثيرة واهمها كالأنيميا ونقص التغذية- استخدام المكواه أو مجفف الشعر لفترات طويلة وبشكل مستمر بدون استخدام سيروم للشعر-الحمل والولادة عند بعض النساء وبيبقا لفترة مؤقت-زيادة سيولة الدم وخفض الكوليسترول استخدام الصبغات ومستحضرات فرد الشعر –اسباب وراثيه-الحاله النفسيه


وبالنسبه للعلاج


-التغذيه السليمه خضروات وفاكهة وافضل الخضروات للشعر هى الرجير والخيار والجزر ولو استمرنا على اكل حبه خياروجزر واحده فى اليوم مع كل وجبه هتلاحظى بنفسك التغير على بشرتك وشعرك


-تناول فيتامين للشعر والمداومه عليه زى زيت كبد الحوت وده مفيد للشعر والبشرة جدا او الزنك(ستريس زنك) وده مفيد للشعر بس اهم شئ لا تكونى حامل لانى يعمل تشوهات للجنين وفى بديل لى ويستحسن استشارة طبيبتك


عدم استخدام بلسم الشعر بصورة مستمرة لانه يسبب ضعف الشعر وسقوطه
-التقليل من استخدام السشوار والمكواه الكهربائيه وعند الاستخدام يفضل دهن الشعر بالسيروم (انا عن نفسى استخدم سيروم زيرو فريز لاحظت انه خفيف على الشعر)


سوى حمام زيت لشعرك كل 15 يوم ولو شعرك قوى سوى كل شهر مرة ولو ضعيف جدا والتساقط زايد يبقى مرة كل يوم لمدة ساعتين فى اول اسبوعين وبعدين مرتين اسبوعيا


استخدام حمام كريم للشعر بعد غسيله بالشامبو(انا جربت فاشكول بالثوم وباراشوت بالاعشاب وجوز الهند ونتيجتهم كويسه يطروا الشعر ومرة اشتريت حمام كريم من العطار مكتوب عليه النخاع التونسى كان ممتاز وطول شعرى ونبت الشعر اللى سقط بس للاسف مش لاقيه تانى


عصير الجرجير على الشعر مفيد جدا بيوقف التساقط وينبت الشعر الجديد يضرب الجرجير فى الخلاط الربطة كامله ويترك على الشعر 3 ساعات كل يوم من 15 يوم لشهر هينبت انا جربتوه مع اخى والحمد لله نتيجته ممتازة


-بالنسبه لحمام الزيوت المفيده
]**(زيت جوز الهند وزيت الثوم بكميات متساويه وممكن اضافة زيت الخروع) يوميا لمده اسبوعين وبعدين مرتين اسبوعيا ساعتين على الاقل انا بستخدمه كوقايه مرتين اسبوعيا


**(زيت جدايل لعبد الصمد القرشى الاخضر ممتاز وعن تجربه شخصيه)


-بالنسبه لماسكات الشعر المفيده
**(زبادى وزيت زيتون وثوم مفروم ) مرتين اسبوعيا انا بستخدمه من غير ثوم للشعر المتقصف


**(نبات الصبار نفتحه ونستخدم قلبه ونضربه فى الخلاط ونضيف عليه زيت زيتون ساخن وممكن اضافة ثوم مهروس) بيقوى الشعر جدا وينعمه وبتظهر نتيجته من اول مرة



جفاف الشعر

غالبا بسبب الصبغ والتمليس والتشقيرو السيشوار والمكواه اونقص الفيتامينات او'نقص نشاط الغده


الدرقية وجفاف الشعر عادة بيسبب تقصفه


]بالنسبه للعلاج......





ترطيب الشعر بشكل دائم بواسطة الزيوت الطبيعية مثل زيت اللوز وزيت جوز الهند


]تناول فيتامين بى الموجود بالبروتينات والبيض والخميرة بيره


-استخدام شامبو خاص للشعر الجاف ومن الافضل يكون يحتوى على البيض او زيت الزيتون


-استخدام حمام كريم بعد غسل الشعر بالشامبو مع تدليك فروة الراس جيدا


-المواظبه على عمل حمام الزيت للشعر ويفضل زيت الزيتون او زيت الذرة او زيت جوز الهند او زيت السمسم وجربى تدهنى شعرك بزيت جوز الهند يوميا قبل النوم والصباح اغسيليه وهتشعرى بفرق


الماسكات للشعر الجاف
**(صفار بيض مخفوق مع زيت الزيتون ويغسل بماء فاتر)


**(ماسك المايونيز مضاف اليه زيت زيتون او زيت سمسم او لوز ويترك على الشعر 3 ساعات ثم يغسل ونتيجته هتظهر من اول مرة )وانا مجربه عن نفسى دايما بعد استخدام الصبغات او الحنه واول مابشعر بجفاف شعرى



تقصف الشعر


نفس اسباب جفاف الشعر تقريبا


بالنسبه للعلاج


-عدم تمشيط الشعر وهو مبلول


-استخدام مشط واسع الاسنان


-لف الشعر بايشارب قطن شبه مبلول بعد تمشيطه لغايه اما ينشف


-قص اطراف الشعر


-استخدام حمام زيت


-الماسكات المفيده
**(زبادى وزيت زيتون يترك على الشعر من ساعه ل3 ساعات)


**(موزتين مستويه وحبه كيوى وزيت زيتون وممكن اضافة معلقه من حمام الكريم واضربيهم فى الخلاط)جربته ممتاز
**(نبات الصبار مع زيت الزيتون او نبات الصبار فقط)