تجربتى مع تفتيح الأبط وبالصور كمان

تجربتى مع تفتيح الأبط وبالصور كمان

حبيت اوريكوا تجربتى الشخصيه فى تفتيح الأبط اللى كان مجننى ده

والحمدلله التجربه نجحت بنسبه كبيـــــــره جدااا والله فعلا مش مصدقه

هقولكوا الأول كان ايه السبب فى اسمرار الأبط عندى وظهور الحبوب

1-استخدام الكارثه كريم فيبيكس والله يابنات مش لوحدى اللى بشتكى منه بس لو فى ناس شايفين انه كويس معاهم يبقى مش هنختلف كل واحده ليها طبيعه خاصه
2-كان ممكن احط مزيل العرق والمكان نفسه عرقان

3-كنت لما بلاقى حبايه ظهرت كنت بطنش واقول هتروح لوحدها

4-لما كنت بتشيل الشعر بالبراون سيلك ابيل كنت ممكن بعدها على طول اروح حاطه مزيل عرق وده اكبر غلط عشان المسام بتبقى لسه مفتوحه

نيجى للمهم بقه

جبت كريم بيرلا

ب 34,5

واستخدمته من يوم 7-3 لما كان شكل الأبط عندى كده

طبعا شكله كان صعب جدا وفيه سمار وحبوب وكله باين قوى
وجبت كمان رول جلسرين وبقيت كل يومين تلاته كده احط تحت الأبط جلسرين وليمون وامسح بقطنه عشان النظافه وفعلا كنت بحس بفرق

وجبت كمان كريم فيوسيدين ب 10 جنيه وده كريم حلو قوى للألتهابات والحبوب وكده بستعمله بعد أزاله الشعر وفعلا بيشيل الحبوب على طول

وبطلت استخدم مزيل عرق خااااالص ولعلمكوا الليمون والجلسرين مش بيخلى فى ريحه عرق خالص

والحمدلله يابنات بعد مرور اقل من شهر لاحظت فرق كبيـــــــــــر جدا
الحبوب راحت مش فاضل غير حبتين تقريبا بس انا وراهم
والسمار خف جداااااا يكاد يكون راح بس انا مستمره لسه عشان يروح خالص واكون راضيه تماما

يلا بقه سمعونى احلى زغروووووطه

وأحلى مبـــــــــروك

ولو الموضوع عجبكوا وحسيتوا انه هيفيد الفتوكات ياريت متنسوش التقييم
منقووووووووووول

المجلة النسائية قسم المراة