عشتى يا مصر وعاشت الايام
علشان مانا إنسان.. حبك كبر فيّه..
وعشان مانا غلبان.. بنموت بلا ديّة..
ربونا واتربى.. فينا الشرف غيّة..
وأعظم بلاد الله.. هى البلد ديّة..
والعدل كان سلطان.. مرسوم على عنيّة..
واما ندهت عليه.. شنقوه على إيديّه..
علشان مانا غلبان..
إحنا ملوك الصبر.. والقسمة والمكتوب..
نص المعيشة فقر.. والغلب ع المغلوب
.. والنص كان الحق.. من دفترى مشطوب
.
. صوتى زى قلبى.. جوا الضلوع مصلوب.
. علشان مانا غلبان..
كان الأمل فينا.. يصحى من النجمة
.. يدعى مع الكروان.. ويطير مع النسمة
.. يرسم لنا الضحكة.. واللقمة والهدمة
.. ونفوق نلاقى الفجر.. بيضيع مع الضلمة
.
. علشان مانا غلبان..
صوت الكلاب مسموع.. أعلى من المأذنة.. قبل الأذان مرفوع..
فينك يا سيّدنا.. دا إنت الإمام للكل
.. اصحى وساعدنا.. قبل م يضيع الوقت
.. والفرض والسّنة.. علشان مانا إنسان
.. داحنا بساط بالطبع.. والكلمة ترضينا..
وأقل شىء بالحب.. ممكن يراضينا
.. بنحب نور الشمس.. يملا أراضينا
.. تنزل يا قطر الندى.. يخضر وادينا
.. علشان مانا إنسان..
أسرى يا نيل روّى.. الصادى والعطشان
.. بكرة إن مجاش بدرى.. لازم مسيره يبان
.. داللى بناكِ يا مصر.. فى الأصل كان إنسان
.
. ولا عمره هان يا مصر.. ولا عمره كان غلبان
.. عشتى يا مصر وعاشت الايام